Bloukrans Klein-Bewarea, Groot Karoo

Êrens tussen die kliprante en -koppe van die Moordenaarskaroo is daar ŉ plaas met die naam Bloukrans. Jy moet grondpad ry om daar te kom, maar met elke plaashek wat jy oop- en toemaak, begin stad en dorp en geraas stuk-stuk van jou wegval en kom lê die ruwe, ongenaakbare karoo asemrowend mooi teenaan jou.

Hier kan jy tussen klowe en in gestolde rivierbeddings die oertyd instap en ontdek waar die spore van die vroegste mense en diere nog net so onveranderd lê. Hierdie plek het baie gesigte, baie stories, baie geheime, baie wonders, maar sy het tyd nodig om dit met jou te deel.

Want eers dán, as jy van die gejaag ontsnap het, sal jy die witkruisarende se nes op die krans en die koedoe tussen die doringbome raaksien en die klipblomme wat soos gekleurde doilies op die rotse gloei. Of laatnag, hoe die sterre skitterend en geluidloos agter die heuwels inval.

Kliphuisie

Die herdershuisie bring op ŉ manier hulde aan ŉ vervloë tyd toe ŉ skaapwagter manalleen gevare en uiterste omstandighede in die veld moes trotseer. Elemente van so ŉ karige bestaan het behoue gebly. Dit is besoekers se voorreg om dié eenvoud as ŉ skaars en ánderste soort luukse te ervaar.

Modderhuis

ŉ Platdakhuisie van die Karoo, ruim genoeg sodat gaste ook vir langer tye gerieflik hier kan bly. Onopgesmuk en eerlik met die kleure en teksture van die veld binne; elke venster ŉ klein skildery van die dramatiese landskap buite.

For more information on Bloukrans Klein-Bewarea press the GREY Contact button.

Cancel reply

Accuracy

Communication

Cleanliness

Location

Check In

Value

Photo Gallery

Comment

Name *

Email *

Website

Country Escapes

Hidden gems & relaxing getaways in the Western Cape, South Africa

Bloukrans Klein-Bewarea

Bloukrans Klein-Bewarea

Login